Sansar News
काठमाडौँ । सात महिनामा एक करोड ८६ लाख थान कन्डम आयात भएको छ । भन्सार विभागको तथ्याङ्क अनुसार यो अवधिमा १४ करोड पाँच लाख रुपैयाँ बराबरको कन्डम आयात भएको हो ।
यसअघि पुस महिनासम्म पुस मसान्तसम्म एक करोड ७७ थान कन्डम आयात भएको थियो । सो अवधिभित्र १२ करोड ६२ लाख रुपैयाँ बराबरको कन्डम आयात भएको थियो ।
माघ महिनाको आयात मात्रै नौ लाख २० हजार थान भएको देखिन्छ । यसका लागि कुल एक करोड ४१ लाख रुपैयाँ खर्च भएको विभागको तथ्याङ्कमा छ । पुसको एकै महिनामा मात्रै दुई करोड सात लाख रुपैयाँ बराबरको १९ लाख ३९ हजार थान आयात भएको भन्सार विभागको तथ्याङ्क छ ।
नेपालमा आयात हुने अधिकांश कन्डम भारतबाट आउने गरेको छ । त्यसबाहेक थाइल्यान्ड, चीन, मलेसिया, दक्षिण कोरिया र जापानबाट समेत आयात हुने गरेको विभागको तथ्याङ्कमा छ ।
वि.सं.२०८१ फागुन १३ मंगलवार १६:४५ मा प्रकाशित
