हामी सबैकाे संसारन्यूज

काठमाडौँ । काठमाडौँमा गणतन्त्रवादीहरूको प्रदर्शन गर्ने तयारी भएको छ । यसका लागि आन्तरिक छलफल चलिरहेको माओवादी नेता हिमाल शर्माले बताए । उनले ठूला दलहरूको समेत संलग्नतामा गणतन्त्र पक्षधरहरूको प्रदर्शनका तयारी भएको बताए ।

अरु दलहरू तयार नभए माओवादी एक्लैले प्रदर्शन गर्छ’, शर्माले भने, ‘सम्भवत त चैत पहिलो साताभित्र काठमाडौंमा प्रदर्शन गर्ने तयारी छ । राजावादीहरूको गतिविधि बढेको भन्दै माओवादीका शीर्ष नेताहरू ‘तराई–मधेश जागरण अभियान’ स्थगित गरेर काठमाडौं केन्द्रित भएका छन् ।

माओवादी केन्द्रको केन्द्रीय कार्यालय सचिव डोरप्रसाद उपाध्यायका अनुसार काठमाडौं केन्द्रित भएका शीर्ष नेताहरू अनौपचारिक संवादमा छन् । राष्ट्रिय राजनीतिको समीक्षा, पार्टीको जारी अभियान रोक्नुपर्ने परिस्थितिको समीक्षा र आगामी दिनमा लिने नीति तय गर्नमा नेताहरू जुटेका हुन् ।