हामी सबैकाे संसारन्यूज

अमेरिकामा रहेका शिव भुर्तेलको मृत्यु भएको छ ।  लामो समयदेखि क्यान्सर रोगबाट पीडित भुर्तेलको बुधबार बिहान मृत्यु भएको नेपाली जनसम्पर्क समिति अमेरिकाका सभापति आनन्द विष्टले बताउनु भएको छ ।
नेपाली विद्यार्थी संघका पूर्वमहामन्त्री तथा नेपाली जनसम्पर्क समिति अमेरिकाका सल्लाहकार समेत रहेका भुर्तेलको कोलोराडोस्थित कोलोराडो मेडिकल कलेजमा उपचारकै क्रममा मृत्यु भएको हो ।
भुर्तेलको मृत्युको खबरले अत्यन्तै मर्माहत भएको बताउँदै सभापति विष्टले भन्नु भएको छ, उहाँको निधनले नेपाली कांग्रेस र यसका अनुयायी हामी सबैका लागि अपुरणिय क्षति हो । नेपाली प्रजातान्त्रिक आन्दोनको इतिहासमा स्वर्गीय भुर्तेलको योगदान चीरस्मरणीय रहनेछ ।’