हामी सबैकाे संसारन्यूज

काठमाडौँ । राजनीतिक दलका नेता र मानवअधिकारकर्मीले सिरहाको औरही गाउँपालिकालगायत देशभर दलित समुदायमाथि भइरहेको शोषण अन्त्य गर्नुपर्ने माग गरेका छन् ।

राष्ट्रिय दलित मत्रकार सङ्घ नेपाल, उपत्यका प्रदेश, ओजस्वी मल्टि मिडिया ग्रुप र नेपाल दलित महिला उत्थान सङ्घ (एड्वान) ले माइतीघर मण्डलामा आज आयोजना गरेको सिरहाको औरहीलगायत देशभर दलित समुदायमाथि भइरहेको शोषण र दमनविरुद्ध ‘सडक संवाद’ कार्यक्रममा पूर्वमन्त्री मीन विश्वकर्माले सिरहा, रुपन्देही, दैलेख, कालिकोट, कास्की, धादिङ, सप्तरी र रुकुमपश्चिम लगायतका जिल्लामा जिल्लामा अन्तरजातीय विवाह गरेका कारण, चुलो वा पानी छोइएको निहुँमा दलित समुदाय मारिदाँसम्म कानून बमोजिम कारवाही हुन नसकेको भन्दै सरकारको ध्यानाकर्षण गराए ।

मानवअधिकार तथा शान्ति समाजका संस्थापक तथा मानवअधिकारर्की कृष्ण पहाडीले देश परिर्तनको निम्ति दलित समुदायले पटक पटक योगदान पु¥याएको स्मरण गर्दै उनीहरुको संवैधानिक अधिकारको व्यवहारिक रुपमा कार्यान्वयन गर्नुपर्नेमा जोड दिए । यही यही चैत १७ गतेदेखि औरही गाउँपालिकामा हुने भनिएको महायज्ञको लागि भन्दै चैत १० गते औरही– ५ का दीपक मल्लिक (डोम) को डोजर लगाएर भत्काइएको थियो ।

उनले भने, “दलित समुदायले २०४६ साल, २०६२÷०६३ साल लगायत मुलुकको परिवर्तनको निम्ति पटक पटक भएका आन्दोलनमा अतुलनीय योगदान प¥याउँदै आएका छन, तर उनीहरुले पाउनुपर्ने सबै अधिकार पाएका छैनन र संवैधानिक रुपमा प्राप्त अधिकारपनि कार्यान्वयन हुन सकेको छैन, कार्यान्वयनको निम्ति एकीकृत रुपमा आन्दोलन गर्नुपर्ने अहिलेको आवश्यकता हो ।”

सभासद् विनोद पहाडीले दलितको सवालमा संविधानको प्रस्तावना, धारा २४ र ४० को पनि व्यवहारिक रुपमा कार्यान्वयन हुनुपर्ने माग गरे ।