हामी सबैकाे संसारन्यूज

काठमाडौँ । चैत १५ मा राजावादीहरुको अराजक प्रदर्शनका क्रममा भएको क्षतिमा चार करोड ८७ लाख ६८ हजार रुपैयाँ बराबर बिमा दाबी परेको छ । बुधबारसम्म ४३ वटा बिमा दाबीमार्फत उल्लेखित रकम बराबर बिमा दाबी परेको हो ।

दाबी आउनेक्रम जारी रहेकाले अझै बढ्न सक्ने प्राधिकरणले जनाएको छ । हालसम्म परेको दाबीअनुसार २२ वटा निजी गाडी, १६ वटा घर तथा व्यवसाय (सम्पत्ति), ३ वटा इन्जिनियरिङ तथा ठेकेदार जोखिम र अन्य दुई वटा गरी कुल ४३ वटा दाबी परेको प्राधिकरणले जनाएको छ ।

सबैभन्दा बढी दाबी सम्पत्ति बिमामा परेको छ । १६ वटा आवेदनमा तीन करोड ११ लाख ६६ हजार रुपैयाँ बराबरको दाबी परेको हो । यस्तै, मोटर बिमामा एक करोड २९ लाख, इन्जिनियरिङ तथा ठेकेदार जोखिमका ३ दाबीमा ३७ लाख र विविधमा १० लाख रुपैयाँ बराबरको दाबी परेको प्राधिकरणले जनाएको छ ।