हामी सबैकाे संसारन्यूज

काठमाडौँ । प्रगति नगर खानेपानी तथा सर-सफाइ उपभोक्ता संस्थाको अध्यक्षका लागि इन्द्रमणि भुसालले आफ्नो प्रतिबद्धता सार्वजनिक गरेका छन् ।

उनले प्रगति नगर खानेपानी तथा सर-सफाइ उपभोक्ता संस्थालाई समुदायका लागि अति संवेदनशील र महत्त्वपूर्ण संस्था भनेका छन् । स्वच्छ पानीको सहज पहुँच, सर-सफाइको उचित व्यवस्थापन, र संस्थाको दिगो विकासका लागि सक्षम, इमानदार, र अनुभवी नेतृत्व आवश्यक रहेकाले आफूले उम्मेदवारी दिएको बताए ।

भुसालका प्रतिबद्धता

अनुभवी नेतृत्व: दुई कार्यकाल सचिव र एक कार्यकाल सदस्यका रूपमा उनले संस्थाको विकास र सेवा सुधारमा उल्लेखनीय योगदान गरेका छन् ।

इमानदार र पारदर्शी: समुदायको हितलाई प्राथमिकता दिने, निस्वार्थ सेवा गर्ने र संस्थाको आर्थिक पारदर्शिता सुनिश्चित गर्ने प्रतिबद्धता व्यक्त गरेका छन् ।

दिगो विकासको लक्ष्य: खानेपानी व्यवस्थापनलाई आधुनिक प्रविधिसँग जोड्दै, भविष्यमा पनि संस्थालाई आत्मनिर्भर र प्रभावकारी बनाउन योजना अघि सारेका छन् ।

समुदायको विश्वास पात्र: स्थानीय उपभोक्ताहरूका समस्या बुझ्ने, समाधान दिन सक्ने र जनताको सहभागिता अभिवृद्धि गर्न सक्ने क्षमता राख्छन् ।

गुणस्तरीय सेवा र विस्तार: हरेक उपभोक्तासम्म सुरक्षित र सफा पानी पुर्‍याउने, आपूर्ति व्यवस्थालाई थप व्यवस्थित गर्ने र नयाँ प्रविधिको समावेश गर्ने लक्ष्य लिएका छन् ।