हामी सबैकाे संसारन्यूज

काठमाडौँ । नेपालमा सञ्चालनमा रहेका २० वाणिज्य बैंक नाफा चालु आर्थिक वर्ष २०८१।०८२ को तेस्रो त्रैमाससम्मको अवधिमा बढेको छ ।

नेपाल राष्ट्र बैंकले बुधबार सार्वजानिक गरेको विविरण अनुसार चालु आर्थिक वर्षको ९ महिनामा ४१ अर्ब २५ करोड ११ लाख ३८ हजार रुपैयाँ नाफा आर्जन सफल भएको सो विवरणले देखाएको हो ।

गत वर्षको तुलनामा बैंकहरुले आर्जन गरेको नाफा १.४० प्रतिशतले बढी हो । गत आर्थिक वर्षको सोहि अवधिमा वाणिज्य बैंकहरुले ४० अर्ब ६८ करोड ३० लाख रुपैयाँ नाफा आर्जन गरेका थिए । सञ्चालनमा रहेका २० वाणिज्य बैंक मध्ये ११ बैंकको नाफा बढेको छ भने अरु नौ वटा बैंकको नाफा घटेको छ ।

सधैझै सबैभन्दा बढी नाफा आर्जन गरी नविल बैंक अग्रपंक्तिमा रहेको छ । उक्त त्रैमासिकमा नविल बैंकले ५ अर्ब ५ करोड १४ लाख रुपैयाँ आर्जन गरेको हो । गत आर्थिक वर्षको सोहि अवधिमा बैंकले ४ अर्ब ६६ करोड नाफा कमाएको थियो । जुन गतवर्षको तुलनामा ८.२१ प्रतिशतले बढेको हो ।

नविललाई पछ्याउदै दोस्रो नम्बरमो नेपाल इन्भेष्टमेन्ट मेगा बैंक रहेको छ । नविल बैंकले ४ अर्ब ५४ करोड रुपैयाँ आर्जन गरेको छ । जुन गत वर्षको तुलनमा नाफा ३८.६१ प्रतिशतले बढी हो ।

त्यस्तै तेस्रो नम्बरमा रहेको ग्लोबल आइएमई बैंकले ४ अर्ब ५३ करोड आर्जन गरेको छ । गत वर्षको तुलनमा नाफा ३८.६१ प्रतिशतले बढी हो ।
चौथो नम्बरमा रहेको एभरेष्ट बैंक जस्ले ३ अर्ब ४५ करोठ ७६ लाख रुपैयाँ आर्जन गर्न सफल भएको हो ।

समिक्षा अवधिमा सबैभन्दा बढी नाफा कमाउने नेपाल बैंक रहेको छ । नाफा कमाउनेको सुचीमा पाँचौ स्थानमा नेपाल बैंक रहेको हो । यसअवधिमा बैंकको नाफा २०३२ प्रतिशतले बढेर २ अर्ब ७८ करोड ३४ लाख रुपैयाँ आर्जन गरेको छ ।

तेस्रो त्रैमाससम्मको अवधिमा एनएमबि बैंकको ५.८८ प्रतिशतले नाफा वृद्धि भई २ अर्ब ३७ करोड ३२ लाख रुपैयाँ पुगेको छ ।

प्राइम बैंकको नाफा भने २२.५६ प्रतिशतले घटेर २ अर्ब २२ करोड रुपैयाा आइपुगेको हो । साथै स्टान्डर्ड चार्टड बैंकको ११.१७ प्रतिशतले घटेर २ अर्ब १७ करोड रुपैयाँ नाफा पुगेको छ ।

समिक्षा अवधिमा प्रभु बैंकको ३.५१ प्रतिशतले नाफा बढेर १ अर्ब ८७ करोड रुपैयाँ पुगेको छ । गत आर्थिक वर्षको सोहि अवधिमा बैंकको नाफा १ अर्ब ८१ करोड रुपैयाँ रहेको थियो ।

यता, कृषि विकास बैंकको नाफा १०.१७ प्रतिशतले घटेर १ अर्ब ८४ करोड, सिद्धार्थ बैंकको०.९४ प्रतिशतले घटेर १ अर्ब ६६ करोड, सानिमा बैंकको १४.८० प्रतिशतले बढेर १ अर्ब ६५ करोड, लक्ष्मी सनराइज बैंकको २.२४ प्रतिशतले बढेर १ अर्ब ६५ करोड र राष्ट्रिय वाणिज्य बैंकको ४९.२९ प्रतिशतले घटेर १ अर्ब २० करोड पुगेको छ ।

साथै, नेपाल एसबिआई बैंकको १ अर्ब २० करोड, माछापुच्छ्रे बैंकको १ अर्ब १० करोड, सिटिजन्स बैंकको ९६ करोड १८ लाख, हिमालयन बैंकको ५० करोड, कुमारी बैंकको २८ करोड र एनआईसी एशिया बैंकको १५ करोड रुपैयाँ नाफा रहेको छ ।