हामी सबैकाे संसारन्यूज

काठमाडौँ । चालु आर्थिक वर्ष २०८१/०८२ को  ९ महिनामा ७ हजार ९ सय ५८ वटा इलेक्ट्रीक कार, जिप र भ्यान (इभी गाडी) नेपाल आयात भएको हो । यसअघिको तथ्याङ्क हेर्दा पछिल्लो ९ महिनामा विद्युतीय गाडी आयातमा वृद्धि भएको छ ।

चैत महिनासम्ममा ५० किलोवाटका इभी गाडी २ हजार ७ सय ८३ वटा भित्रिएको भन्सार विभागको तथ्याङ्कमा छ ।

पछिल्लो ९ महिनामा ५१ किलोवाटदेखि १०० किलोवाट सम्मका इभी ४ हजार ४ सय १४ वटा नेपाल आयात भएको छ । १०१ किलोवाटदेखि २०० किलोवाट सम्मका इभी ७ सय ४२ वटा नेपाल भित्रिएको छ भने २०१ किलोवाटदेखि ३०० किलोवाटसम्मका १७ वटा र ३०० किलोवाट भन्दा माथिका २ वटा इभी नेपाल भित्रिएको छ ।

यी इभी गाडीहरू खरिद गर्नका लागि नेपाली व्यवसायीहरूले चैत महिनासम्म १८ अर्ब ६१ करोड ५८ लाख ३० हजार रुपैयाँ खर्च गरेका छन् भने नेपाल सरकारले सो मार्फत ११ अर्ब ४७ करोड ३९ लाख १३ हजार रुपैयाँ राजस्व उठाएको छ ।