हामी सबैकाे संसारन्यूज

काठमाडौं । यातायात व्यवस्था विभागले अत्यावश्यक सवारी चालक अनुमति पत्र (लाइसेन्स) छपाइ गर्दै आएकामा त्यो सुविधा अहिले बन्द भएको छ ।

विभागमा अनुसार २५ वैशाखदेखि विभागको प्रिन्टिङ प्रणालीमा समस्या आएका कारण अनिश्चितकालका लागि यो सेवा बन्द भएको हो ।

विभागले अध्ययन तथा रोजगारीका लागि विदेश जाने नेपाली नागरिक, शान्ति सेना मिसनमा जाने नेपाली सेना, प्रहरी र गैरआवासीय नेपालीका लागि अत्यावश्यक सवारी चालक अनुमतिपत्र (लाइसेन्स) छपाइ गर्दै आएको छ । तर, अहिले त्यो बन्द भएको हो । अब अर्को सूचना प्रकाशन नभएसम्म अत्यावश्यक लाइसेन्स छपाइ बन्द रहने विभागको सूचनामा उल्लेख छ ।