हामी सबैकाे संसारन्यूज

काठमाडौं । सुप्रिम सहकारी ठगी गरेको अभियोगमा थुनामा रहेका राष्ट्रिय स्वतन्त्र पार्टीका सभापति रवि लामिछानेले काठमाडौंको डिल्लीबजार कारागार सरुवाका लागि निवेदन दिएका छन् ।

जिल्ला अदालत रुपन्देहीमार्फत कारागार व्यवस्थापन विभागमा पत्र पठाइएको जेलर सुरेश भण्डारीले जनाए । विभागको निर्णय आएपछि सरुवा प्रक्रिया अघि बढ्ने छ ।

लामिछानेलाई उच्च अदालत तुलसीपुर, बुटवल इजलासले चैत २२ गते थुनामा राख्ने आदेश गरेको थियो । सर्वोच्च अदालतले पनि सो आदेश सदर गरेपछि उनी काठमाडौं सरुवा भई परिवार र पार्टीसँग भेटघाट सहज बनाउन चाहन्छन् । डिल्लीबजार कारागारमा भीआईपी कैदीहरू बढी रहने गर्छन् । फैसला नहुँदासम्म उनले थुनामा रहनुपर्नेछ ।