हामी सबैकाे संसारन्यूज

काठमाडौँ । हिमालयन रिइन्स्योरेन्स लिमिटेडको चौथो वार्षिक साधारण सभा २०८२ साल जेष्ठ २५ गते सम्पन्न गरेको छ । कम्पनीको वार्षिक साधारण सभा नेपाल प्रज्ञा प्रतिष्ठानमा सम्पन्न गरेको हो ।

सो कम्पनी निजी क्षेत्रद्वारा प्रवद्र्धित सो सभामा विगत आर्थिक वर्षको वार्षिक प्रतिवेदन, लेखापरीक्षकको प्रतिवेदनसहित वित्तीय विवरणहरू पारित गरिएको जनाएको छ । साथै चालू आर्थिक वर्षका लागि लेखापरीक्षकको नियुक्ति तथा पारिश्रमिक निर्धारणसम्बन्धी प्रस्ताव पनि पारित गरिएको छ ।

सभाले हालको चुक्ता पूँजी १० अर्ब ४० करोड रुपैयाँको ४.५० प्रतिशतका दरले हुने ४६ करोड ८० लाख रुपैयाँ बराबरको बोनस शेयर वितरण गर्ने प्रस्ताव पारित गरेको छ । सो बोनस शेयरको कर प्रयोजनका लागि २ करोड ४६ लाख ३१ हजार ५७८ रुपैयाँ ९५ पैसा बराबरको नगद लाभांश पनि वितरण गरिने कम्पनीले जनाएको छ ।

यस कम्पनीले अन्तर्राष्ट्रिय रेटिङ्ग एजेन्सीबाट रेटिङ्ग पाउने नेपालको अअिहलेसम्मैको एक मात्र पुनर्बीमा कम्पनी हो जस्ले कम्पनीले विश्वविख्यात रेटिङ्ग एजेन्सी एएम बेष्ट बाट बि प्लस रेटिङ्ग पाएको छ । कम्पनीले अन्तराष्ट्रिय बीमा बजारमा एक उदाउँदो पुनर्बीमा कम्पनीको पहिचान बनाउने क्रममा ५२ वटा भन्दा बढी देशहरुबाट पुनर्बीमा व्यवसाय भित्र्याउन सफल भएको छ ।
।

सभाले कम्पनीको प्रवन्धपत्र तथा नियमावलीमा संशोधन गर्न आवश्यक परेमा नियामक निकायको निर्देशन अनुसार कार्य गर्न सम्पूर्ण अख्तियारी सञ्चालक समितिलाई दिने प्रस्ताव समेत पारित गरेको छ।