Sansar News
भरतपुर । चितवनमा श्रीमतीसँग रिसाएको झोँकमा एक पुरुषले आफ्नै घरमा आगो लगाएका छन् । जिल्ला प्रहरी कार्यालय चितवनमा सूचना अधिकारी डिएसपी रविन्द्र खनालले भरतपुर महानगरपालिका २७ घर भएका राम महतोले श्रीमतीसँग झगडा हुँदा आफ्नै घरमा आगो लगाएको बताए ।
श्रीमती इन्द्रमायासँग घरायसी विषयमा विवाद हुँदा महतोले खरले छाएको घरमा आगो लगाएका हुन् । उनले गएराती लगाएको आगोका कारण घर पूर्ण रुपमा जलेको प्रहरीले जनाएको छ । आगोलागीबाट घर जल्दा बीस हजार रूपैयाँ बराबरको क्षति भएको छ ।
वि.सं.२०८२ जेठ २८ बुधवार ११:०८ मा प्रकाशित
