Sansar News
काठमाडौं । तीनकुने घटनामा संलग्न रहेको आरोप लागेका राप्रपाका वरिष्ठ उपाध्यक्ष रवीन्द्र मिश्रको जिल्ला अदालत काठमाडौँमा बयान सुरु भएको छ ।
राज्यविरुद्धको कसुर, आपराधिक उपद्रव र संगठित अपराधको कसुरमा अदालतमा मुद्दा दायर भएपछि आज अदालतमा हाजिर भएका मिश्रको जिल्ला न्यायाधीश तारादेवी महर्जनको इजलासमा बयान भइरहेको हो ।
बयान सकिएपछि आजै थुनछेक बहस हुने र आदेश गर्ने जिल्ला अदालतको तयारी छ । आदेशपछि मिश्र पुर्पक्षका लागि थुनामा जाने, धरौटीमा रिहा हुने वा साधारण तारेखमा रिहा हुने भन्ने टुंगो लाग्नेछ ।
वि.सं.२०८२ असार ३ मंगलवार १३:०९ मा प्रकाशित
