हामी सबैकाे संसारन्यूज

पाल्पा । कर्तव्य ज्यान मुद्दाका फरार प्रतिवादी पूर्वखोला गाउँपालिका–१ गुनडाँडा बस्ने पूर्ण बहादुर सार्कीलाई प्रहरीले पक्राउ गरेको छ । सार्कीलाई आफ्नै सासु ५५ वर्षीया चिनीसरा सार्कीको २०६१ असार १९ गते कुटपिट गरी हत्या गरेको आरोप छ ।

घटना पश्चात फरार रहेका पूर्णबहादुर भारतमा लुकेर बस्दै आएका थिए । लुकिछिपी नेपाल आउने क्रममा उनलाई जिल्ला प्रहरी कार्यालय पाल्पाबाट खटिएको प्रहरीले बाँके नेपालगंज उपमहानगरपालिका–१५ जमुनाहबाट २१ वर्षपछि पक्राउ गरेको हो ।

पूर्णबहादुरले चिनीसराको छोरी विवाह गरेका थिए । छोरी दोस्रो विवाह गरेर अर्कैसँग गएपछि उनीहरूबीच झगडा सुरु भएको थियो । उनी उपर जिल्ला अदालत पाल्पाबाट ५ दिन म्याद थप अनुमती लिइ अनुसन्धान भइरहेको छ ।