Sansar News
काठमाडौं । साताको पहिलो दिन आइतबार सेयर बजार परिसूचक (नेप्से) २९ अंकले उकालो लागेको छ । आइतबारको बजारमा बैंकिङ्ग क्षेत्र चम्किंदा कारोबार पनि उच्च देखिएको हो ।
आज कूल सूचिकृतमध्ये १५८ कम्पनीको करोबार हरियो देखिएको छ भने ९० कम्पनीका लगानीकर्ताहरु निरास भएका छन् । आज करिब ११ अर्ब २० करोड रुपैंयाँ बराबरको करिब २ करोड ४२ लाख कित्ता सेयर किनबेच भएको छ ।
आइतबार बैंक, लघु वित्त, वित्त कम्पनी, र विकास बैंक समुहका लगानीकर्ताहरुले राम्रो आम्दानी गरेका छन् । ती कम्पनीको सेयर बजार क्रमशः ३.३७, ३.५०, १.८७ तथा १.४७ प्रतिशतले बढेको नेप्सेले जनाएको छ ।
कूल कारोबार रकममध्ये बाणिज्य बैंक समूहको मात्र करिब दुई अर्ब ८३ करोड रुपैंयाँ बराबरको करिब नब्बे लाख कित्ता सेयर किनबेच भएको छ । लघुवित्त समूहको करिब एक अर्ब २७ करोड रुपैंयाँ बराबरको करिब १२ लाख कित्ता सेयर किनबेच भएको छ भने वित्त कम्पनी र विकास बैंक समूहको क्रमशः करिब ३२ करोड र ८५ करोड रुपैंयाँ बराबरको कारोबार भएको छ ।
आजको बजारमा सबैभन्दा बढी एनआइसि एसिया बैंकका लागानीकर्ताहरुले कमाएका छन् भने हिमालयन हाइड्रोका लगानीकर्ताहरु सबैभन्दा धेरै गुमाउनेमा परेका छन् ।
त्यस्तै कारोबार रकमका आधारमा सबैभन्दा बढी एनआइसि एसिया बैंकको कारोबार भएको छ । उसको मात्र झण्डै ३७ करोड रुपैंयाँ बराबरको कारोबार भएको नेप्सेले जनाएको छ ।
वि.सं.२०८२ असार २९ आइतवार १५:४९ मा प्रकाशित
