हामी सबैकाे संसारन्यूज

काठमाडौंं । साताको दोस्रो दिन सोमबार सेयर बजार परिसूचक (नेप्से) झण्डै ३५ अंकले घटेर २७२५.७१ बिन्दुमा झरेको छ । नेप्से ओरालो लागेसँगै कारोबार रकम पनि घटेको छ ।

कारोबार भएका कम्पनी उपसूचक समुहमध्ये जलविद्युत कम्पनी समूहको कारोबारमा मात्र हरियो देखिएको आजको बजारमा कूल सूचीकृत कम्पनीमध्ये १९८ कम्पनीको कारोबार ओरालो लागेको छ, भने ५० कम्पनीको कारोबार मात्र हरियो देखिएको छ । तिनीहरुमध्ये अधिकांश जल विद्युत कम्पनी रहेको नेप्सेले जनाएको छ ।

आज कूल कारोबार भएका कम्पनीहरुको करिब सात अर्ब ९३ करोड रुपैंयाँ बराबर करिब १ करोड ६७ लाख कित्ता सेयर किनबेच भएको छ ।
नेप्से र कारोबार रकम दुवै घटे पनि केहि कम्पनीका लगानीकर्ताहरुले मनग्ये कमाइ गरेका छन् । माइखोला जलविद्युत, कुमारी बैंक डिबेन्चर २०९०, हिमालयन जलविद्युत, जोशी जलविद्युत लगायतका कम्पनीका लगानीकर्ताहरु धेरै कमाउनेमा परेका छन् भने सामूदायीक लघुवित्त, धौलागिरी लघुवित्त लगायतका कम्पनीका लगानीकर्ताहरु धेरै गुमाउनेमा परेका छन् ।

नेप्सेमा अघिल्लो दिनको हाराहारीमै ह्रास आए पनि बैंकिङ्ग समूहको कारोबार उच्च देखिएको नेप्सेले जनाएको छ ।

याे पनि पढ्नुहाेस् 

बैंकिङ्ग क्षेत्र चम्किंदा २९ अंकले बढ्यो नेप्से, कारोबार रकम पनि उच्च