Sansar News
नवलपुर । नवलपुरको गैडाकोट नगरपालिका ११ हर्कपुरमा रहेको बगैंचा एडभेन्चर रिसोर्टमा भिषण आगलागी भएको छ । जिल्ला प्रहरी कार्यालय नवलपुरका सूचना अधिकारी प्रहरी नायव उपरीक्षक मधु नेपालका अनुसार आज होटलमा ठूलो आगलागी भएको हो ।
आगलागीपछि घटनास्थलमा भरतपुर महानगरपालिका र कावासोती नगरपालिकाबाट गएको दमकल, नेपाल प्रहरी, सशस्त्र प्रहरी तथा स्थानीयवासीको सहयोगमा आगो नियन्त्रणमा लिइएको जिल्ला प्रहरी कार्यालय नवलपुरले जनाएको छ ।
आगलागीको कारण र क्षतिको विवरण यकिन भइसकेको छैन । जिल्ला प्रहरी कार्यालय नवलपुरका अनुसार विहान १० बजेबाट आगो लागेको थियाे ।
वि.सं.२०८२ साउन १४ बुधवार १२:०१ मा प्रकाशित
