हामी सबैकाे संसारन्यूज

काठमाडौं । अघिल्लो साता निरन्तर उकालो लागेको सेयर बजार परिसूचक (नेप्से) यो साता भने केहि घटेको छ । साताको दोस्रो(सोमबार) र तेस्रो (मंगलबार)का दिन मात्र नेप्सेमा हरियो देखियो । बाँकी तीन दिन नेप्से ओरालो लागेको हो । परिसूचक ओरालो लागे पनि यो साता नेप्सेले वर्षकै ऐतिहासिक रेकर्ड बनाएको छ । गत मंगलबार कारोबार बन्द हुँदा नेप्से ३००२.०७ बिन्दुमा पुगेर ऐतिहासिक रेकर्ड बनाएको हो ।
रेकर्ड बनाएता पनि औसतमा यो साता समग्रमा नेप्से २४.३७ (०.३१ प्रतिशत)अंकले घटेको देखिएको छ ।

यो साता करोबार रकमको आधारमा सबैभन्दा धेरै जलविद्युत कम्पनी समूहको ३५ अर्ब ३९ करोड रुपैंयाँ बराबरको आठ करोड कित्ता सेयर किनबेच भएको छ । त्यस्तै व्यापार कम्पनी समूह १३ करोड ३१ लाख रुपैंयाँ बराबरको २३ हजार कित्ता सेयर कारोबार गर्दै पुछारबाट पहिलो भएको नेप्सेले जनाएको छ ।

अघिल्ला हप्ताहरुमा निरन्तर उकालो लागेको बजार यो साता घट्नु लगानीकर्ताहरुले नाफा बुक गरेको रुपमा सेयर विश्लेषक हरुले अर्थ्याएका छन् । हुन पनि यो सात सेयर बजार निरन्तर बढेर पछिल्लो एक वर्षको रेकर्ड बनायो ।

गत वर्षको साउन ३१ मा नेप्से ३०००.८१ बिन्दुमा पुगेर बन्द भएको थियो । त्यसपछि निरन्तर ओरालो लागेको नेप्से गत वर्षको असोज १० गते २४६४.४० बिन्दुमा पुगेर बन्द भएको थियो । त्यहाँबाट निरन्तर उकालो लागेको नेप्सेले एक वर्षकै ऐतिहसिक रेकर्ड बनाएको छ ।

तालिकामा हेर्नुहोस् यो साताको सेयर