हामी सबैकाे संसारन्यूज

काठमाडौं । साताको चौँथो दिन सेयर बजार परिसूचक (नेप्से) सामान्य अंकले घटेको छ । बुधबार नेप्से ५.९१ अंकले घटेर २७७०.९९ बिन्दुमा पुगेको हो ।

नेप्सेमा गिरावट आएसंगै कारोबार रकम पनि घटेको छ । बुधबार कूल सूचिकृत कम्पनीमध्ये २४९ कम्पनीको पाँच अर्ब २० करोड रुपैयाँ बराबरका १ करोड ५३ लाख कित्ता सेयर किनबेच भएको छ । यो अघिल्लो दिनको तुलनामा झण्डै ५३ करोड रुपैेयाँले कम हो ।

आजको बजारमा होटल तथा पर्यटन एवम् सामूहिक लगानीकोष बाहेकका सबै कम्पनी उपसूचक समूहको सूचक घटेको छ । आज विकास हाइड्रो, चन्द्रागिरी हिल्स, केबिएल डिबेन्चर २०८६ का लगानीकर्ताहरु सबैभन्दा धेरै कमउनेमा परेका छन् भने पञ्चकन्या माइ हाइड्रो, माथिल्लो सेन्जेन जलबिद्युत लगायतका कम्पनीका लगानीकर्ताहरु धेरै गुमाउनेमा परेका छन् ।

करोबार रकमका आधारमा पूनर्बीमा कमपनीहरु अग्रस्थानमा छन् । नेपाल पुर्नीमा कम्पनीको करिब २५ करोड एक लाख रुपैंयाँ बराबरको सेयर किनबेच भएको छ भने उसलाई पछ्याउँदै हिमालयन रिइन्स्योरेन्स कम्पनीका २१ करोड ७७ लाख रुपैंयाँ बराबरको सेयर किनबेच भएको नेप्सेले जनाएको छ ।