हामी सबैकाे संसारन्यूज

सिसेल्स । माई नगरपालिका वडा नं ९ ईलाम निवास वर्ष १९ कि क्यान्सर पीडित अन्जना राईलाई एनआरएनए सेसेल्सले आर्थिक सहयोग अभियान मार्फत आर्थिकब सहयोग गरेको छ ।

सेसेल्समा कार्यरत नेपालिहरुबाट सामुहिक रुपमा संकलन गरिएको (सी रु २२,२२८) ने रु २,०५,८११.८४ सहयोग पीडितलाई हस्तान्तरण गरिएको हो ।

न्युन आर्थिक अवस्था रहेको परिवारमा जन्मिएकी अन्जना राई लामो समय देखि ब्रेस्ट क्यान्सरबाट पीडित रहेको र परिवारसँग रहेको केहि सम्पत्ति पनि उपचारका क्रममा सबै सकिएपछी आर्थिक अभावमा उपचारका लागि सम्भव नभएकोले आर्थिक रकम सहयोग गरिएको हो ।

\एपेक्स कम्पनी सेसेल्समा कार्यरत अन्जनाका काका यम बहादुर राईको समन्वयमा परिवारको आग्रहलाई स्वीकार्दै एनआरएनए सेसेल्सको समन्वय र सेसेल्समा कार्यरत नेपालीहरुको सामुहिक आर्थिक संकलनमा सहयोग हस्तान्तरण गरिएको हो ।

यस अभियानमा हातेमालो गर्ने सम्पुर्णलाई एनआरएनए सिसेल्सले हार्दिक धन्यवाद ज्ञापन गरेको हो ।
‘अन्जनाको सिघ्र स्वास्थ्य लाभको कामना गर्दै अझै पनि उपचारका लागि आर्थिक आवश्यक परेको हुनाले सबैले सकेको सहयोग गरिदिन हार्दिक अपिल गर्दछौं ।’ संघले भनेको छ ।