हामी सबैकाे संसारन्यूज

काठमाडौँ । गायिका नितु पौडेलले आत्मदाह प्रयास गरेको घटनापछि गायक बाबुल गिरीलाई प्रहरीले नियन्त्रणमा लिएको छ।

शनिबार अनामनगरस्थित गिरीको स्टुडियोमा पौडेलले आत्मदाह प्रयास गरेकी थिइन्। सो क्रममा गिरी समेत सामान्य घाइते भएका थिए। उपचारपछि कीर्तिपुरस्थित बर्न अस्पतालले उनलाई सोही दिन डिस्चार्ज गरेको थियो।

अस्पतालबाट डिस्चार्ज भएपछि प्रहरीले उनलाई सोधपुछका लागि नियन्त्रणमा लिएको हो। जिल्ला प्रहरी परिसर काठमाडौंका प्रवक्ता एसपी पवनकुमार भट्टराईका अनुसार आत्मदाह प्रयास प्रकरणबारे गिरीसँग विस्तृत रूपमा सोधपुछ भइरहेको छ।

प्रहरीले घटनाको सम्पूर्ण पृष्ठभूमि र कारणबारे अनुसन्धान अघि बढाएको जनाएको छ।