हामी सबैकाे संसारन्यूज

अमेरिकाको बोस्टनमा गायिका आनी छोइङ डोल्माको एकल सांगितीक प्रस्तुति हुने भएको छ । यूनिटी एण्ड होप युस टुर २०१७’ अन्तर्गत अमेरिकाका विभिन्न राज्यमा आफ्नो सांगितीक प्रस्तुति प्रस्तुत गरिरहेकी आनी छोइङले जुन २५ का दिन बोस्टनको ब्रक्ली पर्फमेन्स आर्टमा एकल सांगितीक प्रस्तुत गरिने बताइएको छ ।
घई इन्टरेन्मेन्ट र अमेरिकाका लागि हिमालयन कल्चरल हेरिटेज एकेडेमीको आयोजना रहेको आनीको सांगितीक यात्रा अमेरिकाको लस एन्जल्स, सन फ्रान्सिस्को, ओरेगन, सियाटल, वासिंङटन डिसी हुँदै बोस्टनमा आएर सकिने बताइएको छ ।
उक्त कन्सर्टका लागि प्रवेश शुल्क २५, ५० र १०० डलरको टिकट रहेको छ भने नेपाली तथा विदेशी श्रोताहरुको उल्लेख्य उपस्थित रहने आयोजकले जनाएको छ ।