हामी सबैकाे संसारन्यूज

काठमाडौँ । भालुको पित्तजस्तो देखिने आखेटोपहारसहित दुई जना पक्राउ परेका छन् । उनीहरुलाई केन्द्रीय अनुसन्धान ब्युरो (सीआईबी) ले काठमाडौँबाट पक्राउ गरेको हो । भालु संरक्षित वन्यजन्तु अन्तरर्गत पर्दछ ।

अवैध आखेटोपहार ओसारपसार गरी खरिद बिक्री गर्न लागेको भन्ने विशेष सूचनाको आधारमा ब्यूरोको टोलीले गएको ९ गते उनीहरूलाई नियन्त्रणमा लिएको हो ।

पक्राउ पर्नेहरू कालिकोट खाँडाचक्र नगरपालिका वडा नं. ६ बस्ने २५ वर्षीय रमेश बहादुर शाही र २८ वर्षीय कृष्ण बहादुर शाही छन् । उनीहरूलाई काठमाडौंको गोकर्णेश्वर नगरपालिका वडा नं. १ रुप्सेटारबाट पक्राउ गरिएको केन्द्रीय अनुसन्धान ब्युरोले जनाएको छ ।

उनीहरूको साथबाट तौल ५६८ ग्राम भएको २ थान भालुको पित्त जस्तो देखिने आखेटोपहार बरामद गरिएको छ । पक्राउ परेका व्यक्तिहरूलाई बरामद सामानसहित थप आवश्यक कानुनी कारबाहीका लागि डिभिजन वन कार्यालय हात्तीसार बुझाइएको छ ।