Sansar News
काठमाडौँ । अमेरिकाले ७५ जना नेपालीलाई एकैदिन डिपोर्ट गरेको छ ।
अमेरिकामा अवैध रुपमा बस्दै आएका तथा कानुनको परिपालन नगरेका नेपालीलाई एकै दिन डिपोर्ट गरेको हो । उनीहरुलाई हिजो दिउँसो चार्टर्ड विमानमार्फत काठमाडौँस्थित त्रिभुवन अन्तर्राष्ट्रिय विमानस्थल फिर्ता पठाएको थियोे ।
डिपोर्ट हुनेहरु अधिकांश तल्लोबाटा हुँदै अमेरिका गएकाहरू रहेको नेपाल प्रहरीको मानव बेचबिखन अनुसन्धान ब्युरोले जनाएको छ । बिहीबार डिपोर्ट हुनेमा ३ महिला छन् भने ७२ जना पुरुष छन् । उनीहरू
डिपोर्ट हुनेमा २ जना भिजिट भिसामा बस्नेहरू पनि छन् । त्यस्तै ३० वर्षदेखि अमेरिका बस्दै आएका तर, पीआर कार्ड नवीकरण नभएका एक व्यक्ति पनि डिपोर्ट भएका छन् ।
‘यसरी फर्किनेमा भिजिट भिसामा पुगेकाहरू पनि छन् । कोही ७ महिना जेल बसेका, कोही २ वर्षसम्म जेल बसेकाहरू पनि छन्,’ त्यस्तै ‘पीआर कार्ड रिन्यु नभएका व्यक्ति पनि फिर्ता भएका छन् ।’अवैध बाटो हुँदै गएकाहरुले बिचौलियालाई एक कारोड रुपैयाँसम्म बुझाएको थियो ।
राष्ट्रपति पदमा ड्रोनाल्ड ट्रम्प निर्वाचित भएयता मात्रै ३० महिलासहित ४३९ जना नेपाली डिपोर्ट भइसकेका छन् । ट्रम्पले २०२५ जनवरी २० गतेदेखि अमेरिका सत्ता सम्हालेका हुन् ।
वि.सं.२०८२ पुस ४ शुक्रवार १५:५७ मा प्रकाशित
