Sansar News
काठमाडौं । चालु आर्थिक वर्षको पहिलो पाँच महिनामा देशभर सक्रिय जीवन बीमाको संख्याका आधारमा रिलायबल नेपाल इन्स्योरेन्स पहिलो स्थानमा रहेको छ । उपलब्ध तथ्यांकअनुसार रिलायबल नेपालको सक्रिय जीवन बीमा २४ लाख २९ हजार ३ सय ३७ पुगेको छ ।
दोस्रो स्थानमा नेपाल लाइफ इन्स्योरेन्स रहेको छ । नेपाल लाईफको सक्रिय जीवन बीमा १७ लाख ९० हजार ८५ रहेको छ । त्यस्तै, तेस्रो स्थानमा नेशनल लाइफ इन्स्योरेन्स रहेको छ, जसको सक्रिय जीवन बीमा १३ लाख ४५ हजार ७ सय ८८ रहेको छ । नेपालमा हाल १४ जीवन बीमा कम्पनीहरु सञ्चालनमा छन् ।
देशभर सञ्चालनमा रहेका १४ वटा जीवन बीमा कम्पनीहरूमध्ये सबैभन्दा कम सक्रिय जीवन बीमा प्रभू महालक्ष्मी लाइफ इन्स्योरेन्सको रहेको छ । याे कम्पनीको सक्रिय जीवन बीमा २ लाख ४९ हजार ४ सय ६३ मात्र रहेको तथ्यांकले देखाएको छ ।
बीमा क्षेत्रमा बढ्दो प्रतिस्पर्धा, बीमा सचेतना तथा सेवाको पहुँच विस्तारसँगै सक्रिय जीवन बीमाको अवस्था कम्पनीअनुसार फरक–फरक देखिएको हुने गरेको छ । यद्यपी कूल आम्दानीको आधारमा नेपाल लाइफ इन्स्योरेन्स कम्पनी एक नम्बरमा हुँदा नेशनल लाइफ इन्स्योरेन्स कम्पनी दास्रो नम्बरमा छ ।
वि.सं.२०८२ पुस १४ सोमवार १३:१७ मा प्रकाशित
