हामी सबैकाे संसारन्यूज

गत शुक्रबार मध्यरातमा ल्याटिन अमेरिकी देश भेनेजुएलामा छापामार शैलिले आक्रमण गरि अमेरिकाले राष्ट्रपती निकोलास मुदुरो र उनकी पत्नि शिलिया फ्लोरेस दे मदुरालाई अपहरण शैलीमा गिरफ्तार गरेको छ ।
उनलाई अमेरिकाले उसकै शब्दमा गिरफ्तार गरेर अमेरिकाको न्यूयोर्कको जेलमा राखिएको छ । मुदुरोलाई नियन्त्रणमा लिन अमेरिकाले विगत लामो समयादेखि प्रयास गरेको देखिन्छ । उनलाई अमेरिकी राष्ट्रपति डोनाल्ड ट्रम्पले लागू औषध तस्करीको नेतृत्व गरेको आरोप लगाएका छन् ।

हुन त अमेरिकाले इराक, लिबिया, अफगानिस्तान इरानलगायतका देशहरु माथि जति पनि आरोपहरु लागाएको छ । त्यसको पुष्टि भने गर्न सकेको छैन । अफगानस्तानबाट त उसले घुमाउरो ढंगले हार स्विकार गरेर फर्किसकेको छ । भलै उसले अलकाइदाका नेता ओसामा विन लादेनलाई भने हत्या नै गर्यो ।

ल्याटिन अमेरिकी देशहरु क्यूवा भेनेजुएला लगाएतका देशहरुमा उसले लामो समयदेखि विभिन्न प्रतिबन्धहरु लगाउँदै आएको छ । तर, ती देशरुमा पछिल्ला केहि दशकहरुमा भौतिक रुपले हमला भने गरेको थिएन । उसले अन्य एसियाली, र अफ्रिकी देशहरुलाई भने भौतिक रुपले नै निशाना बनाउँदै आएको छ ।

अमेरिकाले एकताका अरब जगतको स्वर्ग उपमा पाएको इराक ध्वस्त बनाएको मात्रै छैन,सिङ्गै अफ्रिकी माहादेशमा भएको बहुमुल्य धातुका खानिहरु सबै कब्जा गरेर त्यहाँका मानिसहरुलाई मगन्ते बनाएको छ । अफ्रिकी महदेशको लिबियालाई खण्डहर बनाएर त्याहाँको खनिज तेल कब्जा गरेको छ ।

अमेरिका मात्र यस्तो देश हो जसले अहिले विश्वका ७० भन्दा बढी देशहरुमा आफ्नो सैन्य उपस्थिति कायम राखेको छ । त्यस्तै उसले प्रायः सबै समुद्रि तटहरुमा पनि आफ्नो सैन्य उपस्थिती कायम राखेको छ । उसले आफू विरुद्ध बोल्ने देशहरुलाई प्राय आफ्नो निशाना बनाएको देखिन्छ ।

त्यस्तै उसले महत्वपूर्ण खनिज तथा तेलभण्डारण भएका ठाउँहरुमा निशाना बनाएको देखिन्छ । उसले गर्ने गतिविधिलाई भने उसले जहिल्यै प्रजातन्त्रको दुहाई दिइरहेको छ । त्यस्तै उसले क्युबा, भेनेजुएला, निकारागुवा, हैटी जस्ता क्यारेबियन देशहरूलाई नाकाबन्दि लगाइरहेको छ । त्यसैको पछिल्लो श्रृखलाको रुपमा भेनेजुएलाका राष्ट्रपती निकोलास मदुरोलाई राजधानी काराकासबाटै अपहरण शैलीमा गिरफ्तार गरेको छ ।

ल्याटिन अमेरिकी देश भेनेजुएलामा ठूलो तेलको भण्डार रहेको मानिछ । त्यस्तै यो देशमा बहुमुल्य खनिजहरु रहेको मानिन्छ । सैन्य विद्रह मार्फत सत्तामा आएका तत्कालि राष्ट्रपती ह्युगो चाभेजले आफ्नो देशमा रहेका तेलभन्डरहरुमा भएको अमेरिकी नियन्त्रणबाट राष्ट्रलाई मुक्त गरे । असफल सैन्य विद्रोहपछि सन् १९९८ मा राष्ट्रपती निर्वाचित भएका चाभेजले सन् २००६ को सेप्टेम्बर २० मा संयुक्त राष्ट्र संघको माहसभामा अमेरिकाका तत्कालि राष्ट्रपती जर्ज डब्लु बुसलाई सैतानको संज्ञा दिएका थिए । यस्तो हिम्मत भएको नेताको उत्तराधिकारीलाई लामो समय देखिको निगरानीमा सुरक्षित मानिएको निवासबाटै अमेरीकाले उठाएर लगेको विषय चाहिं वास्तव मै सोचनीय छ ।

अमेरीकाको पछिल्लो कदमले विश्वभर तरंग छाएको छ । कतिपय आक्रोशित भएका छन् । स्वयम् अमेरिका भित्रै यसको विरोध भएको छ । राजधानी काराकासमा मुदुरोको समर्थनमा ठूलो र्यालि निस्कीएको छ । संसारभरि विभिन्न प्रतित्रियाहरु आएका छन् तर, यस्ताकूराले ट्रम्प प्रशासित अमेरिकाको भने रौं पनि हल्लिने देखिंदैन जुन यस अघि पनि भैरहेको थियो ।