Sansar News
काठमाडौँ । महालक्ष्मी विकास बैंक लिमिटेडकोे हालै सम्पन्न २४ औं वार्षिक साधारण सभाबाट नवनिर्वाचित संचालक समितिबाट अध्यक्षको रुपमा चयन हुनुभएका श्री राजेश उपाध्याय ज्यूले पद तथा गोपनियताको सपथ लिनुभएको छ ।
बैंक तथा वित्तीय संस्था सम्बन्धी ऐन २०७३ को दफा १२७ बमोजिम आज मिति २०८२÷०९÷२३ गते नेपाल राष्ट्र बैंकका डेपुटी गर्भनर श्री बम बहादुर मिश्र ज्यू समक्ष पद तथा गोपनियताको सपथ लिनुभएको छ । उक्त सपथ ग्रहण कार्यक्रममा नेपाल राष्ट्र बैंकका बैंक तथा वित्तीय संस्था नियमन विभागका कार्यकारी निर्देशक ज्यू र वित्तीय सस्ंथा सुपरिवेक्षण विभागका कार्यकारी निर्देशक ज्यू लगायतका अन्य पदाधिकारीहरुको उपस्थिति रहेको थियो ।
मिति २०८२÷०९÷२१ मा सम्पन्न बैंकको वार्षिक साधारण सभा मार्फत संचालक समितिले प्रस्ताव गरे बमोजिम १०.३७ प्रतिशत लाभाशं वितरण गर्ने प्रस्ताव समेत अनुमोदन भएको थियो ।
वि.सं.२०८२ पुस २८ सोमवार १२:३९ मा प्रकाशित
