हामी सबैकाे संसारन्यूज

रुना कर्माचार्य दाहाल, चितवन

१.

सर्वज्ञानी आफैँलाई बुझेर
असत्य बोल्छन् यहाँ
पर्दा पछाडि लुकेर ।

२.
समय वेगले बहन्छ
निष्ठुरी यो पापी
आफ्नो गतिमा रहन्छ ।

३.
खुसी कहाँ भेटिन्छ ?
हरेक वस्तुले पलभरको
केवल तृष्णा मेटिन्छ ।

४.
मान्छेबाट मानवता हरायो
छुवाछुत, जातीय विभेदले
दानवको रूप पलायो ।

५.
गौरवशाली राष्ट्र नेपाल
प्राकृतिक विविधताले सजिएको
तराई, पहाड, हिमाल ।

६.
मनाउँछौँ धेरै चाडपर्व
माटो, भाषा, संस्कृति
हाम्रो पहिचान गर्व ।

७.
विविधताभित्र एकताको शक्ति
आपसी सद्भाव, मेलमिलापले
गरौँ देशको भक्ति ।

८.
देश हाम्रो स्वाभिमान
बहुजाति, बहुभाषा, बहुसंस्कृति
मेलमिलाप हाम्रो पहिचान ।

९.
भिडभाडले थाकेको मन
आवाज सुन्न आफ्नै
एकान्तमा जानू जन ।

१०.
आजभोलि लाग्छ जाउ
एकान्तमा आत्मासँगको मित्रता
आफैँलाई भेट्ने ठाउँ ।