Sansar News
काठमाडौँ । आई.एम.ई. लाइफ इन्स्योरेन्स कम्पनी लिमिटेडले आफ्ना एजेन्सी लिडरहरूलाई नेसनल एन्टि–मनी लन्डरिङ डे को अवसरमा सम्पत्ति शुद्धीकरण, आतंककारी गतिविधि तथा आम विनाशकारी हातहतियार निर्माण वा विस्तारमा हुने वित्तीय लगानी निवारण (AML/CFT) सम्बन्धी तालिम प्रदान गरेको छ।
तालिममा जीवन बीमा क्षेत्रमा हुन सक्ने सम्भावित जोखिमको पहिचान तथा रोकथाम, सम्पत्ति शुद्धीकरण निवारणसम्बन्धी प्रचलित कानून, नेपाल बीमा प्राधिकरणबाट जारी निर्देशिका तथा निर्देशनहरू लगायतका विषयमा सहभागीहरूलाई जानकारी गराइएको थियो।
सम्पत्ति शुद्धीकरण निवारणसम्बन्धी कानूनी व्यवस्थाको प्रभावकारी पालना गर्दा कम्पनीको सुशासन सुदृढ हुने र ग्राहकको विश्वास अझ सशक्त बन्ने विश्वास कम्पनीले लिएको छ।
तालिम कार्यक्रमको समापनमा बोल्दै कम्पनीका प्रमुख कार्यकारी अधिकृत पवन कुमार खड्काले सम्पूर्ण अभिकर्ता साथीहरूलाई सम्पत्ति शुद्धीकरण, आतंककारी कार्य तथा आम विनाशकारी हातहतियार निर्माण वा विस्तारमा हुने वित्तीय लगानी निवारणसम्बन्धी कानूनी व्यवस्थाहरू पूर्णरूपमा पालना गर्दै जिम्मेवार रूपमा कार्य गर्न निर्देशन दिनुभयो।
कार्यक्रम काठमाडौँस्थित कम्पनीको केन्द्रीय कार्यालय, लाजिम्पाटमा सम्पन्न भएको हो।
वि.सं.२०८२ माघ १६ शुक्रवार ११:४२ मा प्रकाशित
