हामी सबैकाे संसारन्यूज

काठमाडौँ । ‘बैंक पनि साथी पनि, राम्रो पनि हाम्रो पनि’ भन्ने नाराका साथ अघि बढिरहेको एन आई सी एशिया बैंकले प्रतिस्पर्धी ब्याजदरमा गोल्ड लोन कर्जा योजना सार्वजनिक गरेको छ।

समयअनुसारको आवश्यकता र बजार मागलाई सम्बोधन गर्दै बैंकले सुन तथा सुनका गरगहना धितो राखेर कर्जा प्रवाह गर्ने यो योजना ल्याएको हो। यस योजनाअन्तर्गत ग्राहकहरूले रु. ५० लाखसम्म कर्जा प्राप्त गर्न सक्नेछन्।

औसत आधार दरमा १ देखि ३ प्रतिशतसम्मको प्रिमियम सुविधा सहितको प्रतिस्पर्धी ब्याजदरमा सुनको बार तथा सुनका गरगहना धितो राखी बजार मूल्यको अधिकतम ७० देखि ८० प्रतिशतसम्म कर्जा उपलब्ध गराइने बैंकले जनाएको छ। साथै, यस कर्जा योजनामार्फत गरगहना खरिदका लागि पनि कर्जा सुविधा उपलब्ध गराइएको छ।

ग्राहकहरूले यो कर्जा योजना बैंकका तोकिएका विभिन्न शाखाहरूबाट प्राप्त गर्न सक्नेछन्। ग्राहकलाई सहज रूपमा कर्जा प्रदान गर्नुका साथै कर्जा सम्बन्धी सल्लाह, सुझाव, गुनासो तथा जिज्ञासाको उचित समयमै समाधान गर्ने उद्देश्यले बैंकले एकद्वार सेवा प्रणालीसमेत लागू गरेको जनाएको छ।