Sansar News
दिलीप कुमार शर्मा कट्टेल
भद्रपुर, झापा हाल : अस्ट्रेलिया
(१)
नबिगार्नू कहिल्यै मति
घैँटामा घाम लाग्दैन
ब्यहोर्नु पर्ला खती ।
(२)
नछाड्नू आफ्नोे गति
हुरी बतास आउँदा
जोगाउनू इमान जति ।
(३)
इज्जत बढाउँछ कर्मले
सुवास छरेर लोकमा
प्रतिष्ठा जोगाउनू गर्वले ।
(४)
बलिदान जाँदैन खेर
उच्च सम्मान गर्नेले
भुल्दैन कहिल्यै हेर ।
(५)
सहिदको सम्झना गरेर
श्रद्धाले आँखा भिजाई
गर्दछु नमन सम्झेर ।
(६)
लप्पनछप्पन कहिल्यै जानिनँ
अरूको कुरा सुनेर
आफ्नो उद्देश्य त्यागिनँ ।
(७)
छद्मभेषी नेता चिनेर
गर्नू आफ्नु मतदान
नपछुताउनु पछि दिएर ।
(८)
संसारमा एक्लै आएको
निश्चित छ जाने
व्यर्थै किन मताएको ?
(९)
अनेकतामा भए एकता
सद्भाव फैलिन्छ सर्वत्र
अटुट बनेर मित्रता ।
(१०)
पहिल्यै ध्यान पुगेन
सान्निध्यता प्राप्त नभई
प्रभुमा भक्ति सुझेन ।
वि.सं.२०८२ फागुन २ शनिवार ०५:५४ मा प्रकाशित
