हामी सबैकाे संसारन्यूज

काठमाडौं । मोरङमा राष्ट्रिय स्वतन्त्र पार्टी (रास्वपा) का उम्मेदवारका प्रतिनिधिको मृत्यु भएको छ ।

जिल्ला प्रहरी कार्यालय मोरङका प्रहरी उपरीक्षक कवित कटुवालका अनुसार मृत्यु हुनेमा रंगेली नगरपालिका–९ बस्ने ५० वर्षीय दुर्गा रेग्मी रहेका छन् ।

प्रहरीका अनुसार मतगणना स्थल नजिकै खाना खाने क्रममा शुक्रबार बिहान करिब ११ः४५ बजे उनी एक्कासी बेहोस भएर ढलेका थिए । उनलाई तत्काल उपचारका लागि रंगेली अस्पताल लगिएको थियो । अस्पतालका चिकित्सकले उपचारका क्रममा उनलाई मृत घोषणा गरेका हुन् ।

रेग्मी मोरङ क्षेत्र नम्बर २ बाट राष्ट्रिय स्वतन्त्र पार्टीका उम्मेदवार कृष्ण कार्कीका प्रतिनिधि रहेको प्रहरीले जनाएको छ ।