हामी सबैकाे संसारन्यूज

काठमाडौं । नेपालमा इलेक्ट्रिक स्कुटर बजारलाई थप प्रतिस्पर्धी बनाउँदै वैद्य इनर्जी प्रा.लि. ले एथर ‘रिज्टा एस’लाई औपचारिक रूपमा देशभर सार्वजनिक गरेको छ।

एथर इनर्जीको नयाँ परिवारमुखी स्कुटरको रूपमा आएको ‘रिज्टा एस’ ले गत वर्ष सार्वजनिक भएको ‘रिज्टा’को सफलतालाई निरन्तरता दिने अपेक्षा गरिएको छ।

लन्चको अवसरमा कम्पनीले पहिलो १५० ग्राहकका लागि २० हजार रुपैयाँको विशेष छुट प्रदान गरेको छ, जसले गर्दा स्कुटरको प्रभावकारी मूल्य २ लाख ७४ हजार ९९९ रुपैयाँ कायम भएको छ। नियमित मूल्य भने २ लाख ९४ हजार ९०० रुपैयाँ तोकिएको छ।

दैनिक प्रयोगका लागि उपयुक्त स्कुटर

रिज्टा S विशेषगरी परिवार र दैनिक यात्राका लागि डिजाइन गरिएको स्कुटर हो। यसमा २.७ kWh ब्याट्री प्रयोग गरिएको छ, जसले १२३ किलोमिटर (IDC) रेन्ज दिने कम्पनीले जनाएको छ। स्कुटरले ४.३ kW पावर उत्पादन गर्ने, अधिकतम ८० किमी प्रतिघण्टा गति दिने तथा ० देखि ४० किमी प्रतिघण्टा गति ४.७ सेकेन्डमै लिन सक्ने क्षमता राख्छ।

यसमा फराकिलो सिट, ठूलो फुटबोर्ड र पर्याप्त स्टोरेज जस्ता सुविधाहरू दिइएको छ, जसले शहरदेखि ग्रामीण सडकसम्म सहज यात्रा सुनिश्चित गर्छ। साथै Auto Hold, Fall Safe र Emergency Stop Signal जस्ता सुरक्षा फिचरले यात्रालाई अझ सुरक्षित बनाउने कम्पनीको दाबी छ।

प्याकेजमार्फत सजिलो स्वामित्व

स्कुटरसँगै कम्पनीले ‘Ather Assurance’ प्याकेज पनि उपलब्ध गराएको छ, जसले इलेक्ट्रिक सवारी प्रयोगलाई थप सहज र भरपर्दो बनाउने लक्ष्य राखेको छ।

यसअन्तर्गत:

-ब्याट्रीमा ३ वर्ष वा ३०,००० किमीसम्मको वारेन्टी (५ वर्ष वा ६०,००० किमीसम्म विस्तार गर्न सकिने)

-देशभर ३५ वटा फास्ट चार्जिङ स्टेशनमार्फत सहज चार्जिङ सुविधा

-एक वर्षसम्म निःशुल्क चार्जिङ सेवा

-सर्भिस सेन्टरमार्फत भरपर्दो मर्मत सेवा तथा AMC मा २०% छुट

चार्जिङ पूर्वाधारका कारण काठमाडौं–पोखरा वा काठमाडौं–चितवनजस्ता लामो दूरीका यात्रा पनि सहज हुने कम्पनीले जनाएको छ।

बुकिङ खुला, डेलिभरी सुरु

रिज्टा S को बुकिङ देशभर रहेका १० वटा एक्सपेरियन्स सेन्टरमार्फत खुला गरिएको छ। ग्राहकले ९९९ रुपैयाँमा बुकिङ गरी प्राथमिकता प्राप्त गर्न सक्नेछन्।

आजदेखि नै देशभर डेलिभरी सुरु गरिएको कम्पनीले जनाएको छ।

EV क्षेत्रमा नयाँ गति

कम्पनीका अनुसार रिज्टा S ले नेपालमा इलेक्ट्रिक सवारीको प्रयोगलाई थप बढावा दिनेछ। परिवारमुखी डिजाइन, भरपर्दो परफर्मेन्स र सहज स्वामित्व सुविधाका कारण यो स्कुटर नेपाली बजारमा लोकप्रिय विकल्प बन्ने अपेक्षा गरिएको छ।