हामी सबैकाे संसारन्यूज

काठमाडौँ । सरकारले आगामी आर्थिक वर्ष २०३/४ का लागि वार्षिक बजेट स्वीकृत गरेको छ ।

प्रधानमन्त्री तथा मन्त्रिपरिषद्को कार्यालय सिंहदरबारमा शुक्रबार बसेको मन्त्रिपरिषद् बैठकले बजेट वक्तव्यलाई संघीय संसद्मा प्रस्तुत गर्न स्वीकृति दिएको हो ।

सरकारका प्रवक्ता एवं शिक्षा तथा खेलकुद मन्त्री सस्मित पोखरेलले मन्त्रिपरिषद्बाट बजेट पारित भइसकेको जानकारी दिएका छन् । उनका अनुसार अर्थमन्त्री डा. स्वर्णिम वाग्लेले आज अपराह्न ४ बजे संघीय संसद्को संयुक्त बैठकमा आगामी आर्थिक वर्षको आय–व्ययको अनुमानित विवरण (बजेट) प्रस्तुत गर्नेछन् ।

संवैधानिक व्यवस्था अनुसार सरकारले प्रत्येक वर्ष जेठ १५ गते आगामी आर्थिक वर्षको बजेट सार्वजनिक गर्नुपर्ने प्रावधान रहेको छ । सोही व्यवस्था अनुसार सरकारले आगामी वर्षको आर्थिक नीति तथा कार्यक्रमलाई समेटेर बजेट ल्याउन लागेको हो।

यस वर्षको बजेटमा आर्थिक सुधार, उत्पादन वृद्धि, रोजगारी सिर्जना, पूर्वाधार विकास तथा निजी क्षेत्रको प्रवद्र्धनलाई प्राथमिकतामा राखिएको अनुमान गरिएको छ। साथै शिक्षा, स्वास्थ्य, कृषि, ऊर्जा तथा सूचना प्रविधि क्षेत्रका कार्यक्रमहरूमा विशेष जोड दिइने अपेक्षा गरिएको छ ।

सरकारले सार्वजनिक गर्ने बजेटप्रति निजी क्षेत्र, कर्मचारी, व्यवसायी तथा सर्वसाधारण नागरिकको चासो बढिरहेको छ ।