हामी सबैकाे संसारन्यूज

काठमाडौँ । फुटबल विश्वकप फाइनलअघि टिकटको मूल्यले विश्वभर चर्चा बटुलेको छ। फिफा विश्वकप २०२६ को फाइनल खेलको एउटा टिकटको मूल्य आधिकारिक रिसेल (पुनर्बिक्री) बजारमा ऐतिहासिक उचाइमा पुगेको छ।

आज साेमबार न्युयोर्क न्युजर्सीकाे  मेटलाइफ स्टेडियममा हुने साविक  विजेता अर्जेन्टिना र युरोपेली च्याम्पियन स्पेनबीचको उपाधि भिडन्तका लागि एउटै टिकटको मूल्य २३ लाख अमेरिकी डलर (करिब ३० देखि ३५ करोड नेपाली रुपैयाँ) सम्म पुगेको हो।

विभिन्न अन्तर्राष्ट्रिय सञ्चारमाध्यमहरूका अनुसार पुनर्बिक्री बजारमा केही टिकटहरू नेपाली रुपैयाँमा करिब ३५ करोड रुपैयाँ बराबरसम्म सूचीकृत गरिएको पाइएको छ।
फिफाले यसपटक पहिलो पटक वास्तविक समयको मागअनुसार मूल्य स्वचालित रूपमा परिवर्तन हुने ुडाइनामिक प्राइसिङु लागू गरेको थियो। जसका कारण सुरुमा १०,९९० डलर तोकिएका टिकटहरूको मूल्य मागसँगै लाखौँ डलर पुगेको हो।

यद्यपि, यो फिफाले तोकेको आधिकारिक टिकट मूल्य होइन। यो पुनर्बिक्री बजारमा विक्रेताले राखेको माग मूल्य हो, जसमा सबै टिकट त्यही रकममा बिक्री भएको पुष्टि भने भएको छैन।

लियोनेल मेस्सीको अर्जेन्टिनाले स्पेन र उनीहरूको किशोर सुपरस्टार लामिन यामालको सामना गर्दा, पुनर्विक्रय बजारमा टिकटको मूल्य बढेको अनुमान गरिएको छ । विश्वकप फाइनलप्रति विश्वभरका समर्थकहरूको उच्च आकर्षण, सीमित टिकट उपलब्धता र पुनर्बिक्री बजारमा तीव्र प्रतिस्पर्धाका कारण टिकटको मूल्य अस्वाभाविक रूपमा बढेको विश्लेषण गरिएको छ। केही प्रिमियम तथा आतिथ्य टिकटहरूको मूल्य पनि दशौं हजार अमेरिकी डलरसम्म पुगेको अन्तर्राष्ट्रिय सञ्चारमाध्यमहरूले जनाएका छन्।

अन्तर्राष्ट्रिय सञ्चारमाध्यमका अनुसार शुक्रबारसम्ममा, लगभग सबै टिकटहरू बिक्री भइसकेका देखिन्थे, जसमध्ये केही फिफाको बिक्री प्लेटफर्ममा प्रति टिकट लगभग ४३२,००० मा सूचीबद्ध थिए। शनिबार, साइटमा अन्तिम समयमा टिकटहरू उपलब्ध थिएनन्। यद्यपि, फिफाको पुनर्विक्रय प्लेटफर्ममा ४१०,००० भन्दा अलि कमदेखि ४२।३ मिलियन सम्मका टिकटहरू उपलब्ध थिए।

फुटबल महानायक लियोनेल मेसीको यो सम्भावित अन्तिम विश्वकप खेल हो। स्पेनका १७ वर्षीय युवा सनसनी लामिन यमाल र मेसीबीचको मैदानमा हुने टक्कर हेर्न विश्वभरका धनाढ्य दर्शक जुनसुकै मूल्य तिर्न तयार देखिएका छन्।

यस प्रकारको अत्यधिक मूल्यवृद्धिका कारण फुटबल समर्थक संस्थाहरूले “यो विश्वकप धनीहरूका लागि मात्र” भएको भन्दै फिफाको कडा आलोचना गरेका छन्। फिफाका अध्यक्ष जियानी इन्फान्टिनोले यसअघि प्रतियोगितालाई समावेशी बनाउने दाबी गरे पनि मध्यमवर्गीय र सर्वसाधारण नागरिकका लागि रंगशाला पुग्ने सपना असम्भव जस्तै बनेको टिप्पणी सावर्जनिक भएका छन् ।
समाचार एजेन्सी