हामी सबैकाे संसारन्यूज

काठमाडौं । नेपाल शिक्षक महासङ्घले भदौदेखि आन्दोलन गर्ने निर्णय गरेको छ । महासङ्घको तेस्रो राष्ट्रिय परिषद् बैठकले भदौदेखि आन्दोलन गर्ने निर्णय गरेको हो । महासङ्घले भदौबाट आन्दोलन गर्ने निर्णय भएको र आन्दोलनको तिथि मिति विस्तारित कार्यालय बैठकले तय गर्ने बताएको छ ।

महासङ्घले शिक्षा ऐनको माग, नियमावलीको १० औँ संशोधनमा आएका विषयमा महासङ्घले फरक मत राख्दै शिक्षा ऐन जारी हुनुपर्ने र दसौँ संशोधनमा भएका प्रावधान राम्रो नभएको बताएको छ । साथै शिक्षक सरुवा, विद्यालय कर्मचारी, ईसीडी शिक्षक, अस्थायी प्रकृतिका शिक्षकको व्यवस्थापन हुनुपर्ने महासङ्घले माग राख्दै आएको छ ।

यसअघि पनि आफ्ना माग राख्दै पटक पटक आन्दोलन गरेका शिक्षकहरूको विभिन्न सरकारहरूसँग सहमति भए पनि अहिलेसम्म सम्बोधन भने हुन सकेको छैन ।