हामी सबैकाे संसारन्यूज

११ असार, काठमाडौँ । पोर्चुगल रुसमा जारी कन्फेडेरसन कपको सेमिफाईनलमा प्रवेश गरेको छ । हिजो राति भएको खेलमा न्युजिल्यान्डलाई ४ ० गोल अन्तरले हराएसँगै पोर्चुगल सेमिफाईनलमा प्रवेश गरेको हो । पोर्चुगललाई सहज जित दिलाउने क्रममा पोर्चुगलका कप्तान क्रिस्टियानो रा्ेनाल्डो, बर्नान्डो सिल्भा, आन्द्रे सिल्भा तथा नानीले एक एक गोल गरेका थिए । समुह चरणका सबै खेल हारेको न्युजिल्यान्ड तथा एकमा जित र दुई खेलमा हार बेहोरेको आयोजक रसिया प्रतियोगिताबाट बाहिरीएका छन् । भने समुह एबाट पोर्चुगल तथा मेक्सिको कन्फेडेरसन कपको सेमिफाईनलमा प्रवेश गरेका छन् ।

यसै गरि हिजो भएको खेलमा गोल गरेसँँगै पोर्चुगलका कप्तान तथा रियल म्याड्रिडका सुपर स्टार क्रिस्टियानो रोनाल्डोले पोर्चुगलको जर्सी लगाएर खेलेका खेलमा ७५ गोल गरेका छन् । यस्तै राष्ट्रिय टिमबाट खेलेका प्रतिस्पर्धी खेलमा ६० गोल गरेका छन् जुन युरोपेली खेलाडीहरुले प्रतिस्पर्धी खेलमा गरेको सबैभन्दा धेरै गोल हो । यस्तै रोनाल्डोका बाँकी १५ गोल भने पोर्चुगलले खेलेका मैत्रीपुर्ण खेलमा गरेका छन् । रोनाल्डो युरोपका उच्च गोलकर्ता पुस्कास भन्दा ९ गोल पछि छन् । युरोपको उच्च गोलकर्ताका रुपमा पुस्कासले ८४ गोल गरेका छन् । जुन रेर्कड रोनाल्डोले निकट भविस्यमा सहजै तोड्ने समेत देखिन्छ ।