हामी सबैकाे संसारन्यूज

११ असार, काठमाडौँ । रियल म्याड्रिडका भेट्रान डिफेन्डर अल्भारो अर्विलोवाले व्यवसायिक फुटबलबाट सनयास लिएका छन् । गत सिजन रियल छाडेर इङलिश क्लब वेष्टह्याम युनाइटेड गएका ३४ वर्षीय डिफेन्डरले आफ्नो फुटबल बुट थन्क्याउने घोषणा गरेका हुन । अर्विलोवाले आफ्नो करियरको महत्वपुर्ण समय रियलमा बिताएका थिए । अर्विलोवाले सन् २००२ देखि २००६ सम्म रियलमा बिताएका थिए । यस्तै २००६ देखि २००७ सम्म स्पेनिश क्लब डिर्पोटिभो लाकरुनामा बिताएका अर्विलोवा सन् २००७ देखि २००९ सम्म इङलिश क्लब लिभरपुलबाट व्यवसायिक फुटबल खेलेका थिए ।
अर्विलोवा सन् २००९मा पुनः आफ्नो पुरानो क्लब रियलमै फर्केका थिए । उनले आफ्नो करियरको महत्वपुर्ण समय सन् २००९ देखि २०१६ सम्म रियलबाट खेलेका थिए । उनले रियल म्याड्रिडबाट फुटबल खेल्दै १लालिगा, २ च्याम्पियन्स लिग, ३ कोपाडेल रे उपाधि जितेका छन् । अर्विलोवा स्पेनको प्रतिनिधित्व गर्दै सन् २०१० मा विश्वकप तथा सन् २०१२ मा युरोकपको उपाधि समेत जितेका छन् ।