Logo
५ माघ २०७८, बुधबार
     Wed Jan 19 2022
E-paper
  English Edition
   Unicode
Logo

 भक्तपुर नगरपालिकाको  बजेट एक अर्ब पाँच करोड ५५ लाख



३१ असार,भक्तपुर  । भक्तपुर नगरपालिकाले प्रथम नगर परिषद्बाट आर्थिक वर्ष २०७४/७५ का लागि रु एक अर्ब पाँच करोड ५५ लाखको बजेट पारित गरेको छ ।

आज नगरपालिकामा आयोजना गरेको पत्रकार सम्मेलनमा नगर प्रमुख सुनिल प्रजापतिले पारित गरेको बजेट, नीति तथा कार्यक्रमबारे जानकारी दिनुभयो ।

बजेट आम्दानीतर्फ सरकारबाट सःशर्त अनुदान रु १९ करोड ७८ लाख ९५ हजार, निःशर्त अनुदान रु १७ करोड ८७ ९५ हजार, सामाजिक सुरक्षा भत्ता रु ११ करोड आठ लाख र अन्य निकायतर्फ रु ६० लाख गरी कूल रु ४९ करोड ३४ लाख ९० हजार रहने प्रजापतिले बताउनुभयो ।

त्यस्तै नगरका बासिन्दाबाट संकलन हुने विभिन्न कर तथा पर्यटन सेवा शुल्कसमेत गरी रु ४२ करोड २० लाख १० हजार आन्तरिक स्रोतबाट आम्दानी हुने लक्ष्य राखेको छ । नगरपालिकाको मौज्दात बाँकी रु १४ करोड रहने अनुमान गरिएको छ । नगरपालिकाले वडास्तरीय विकास निर्माणका लागि प्रत्येक वडा कार्यालयलाई रु ५० लाखका दरले रकम वितरण गर्ने भएको छ ।

यस्तै हनुमन्ते र खासाङ्खुसी खोला सफा गर्न सल्लाघारी र हनुमानघाटमा रहेका उपचार पोखरी प्रयोगमा ल्याउने, हनुमानघाट सुधारको गुरुयोजना तयार गर्ने, जनप्रतिनिधि घर–घरमा गएर सामाजिक सुरक्षाभत्ता वितरण गर्न, प्रत्येक वडामा शिशु स्याहार केन्द्रहरु सञ्चालन गर्ने, नगरपालिकाद्वारा सञ्चालित विद्यालयका शिक्षिका र आयाहरुलाई तालिम दिने भएको छ ।

यस्तै सूर्यविनायक नगरपालिकाले पनि आजै पत्रकार सम्मेलन गर्दै नगरपरिषद्ले पारित गरेको बजेट, नीति तथा कार्यक्रम सार्वजनिक गरेको छ ।

नगरप्रमुख वासुदेव थापाले प्रथम नगर परिषद्बाट आव २०७४/ ७५ का लागि पारित भएको रु ४८ करोड १० लाख २८ हजारको बजेट सार्वजनिक गर्नुभयो । सरकारबाट निःशर्त रु २४ करोड ७७ लाख ५० हजार, सःशर्त रु १४ करोड ८४ लाख २८ हजार प्राप्त हुने र नगरपालिकाको आन्तरिक आयस्रोतबाट रु आठ करोड ४८ लाख ५० हजारको बजेट उहाँले सार्वजनिक गर्नुभएको हो ।

नगरपालिकाले नगरक्षेत्रमा रहेका औद्योगिक क्षेत्रको विकास गर्ने, नगरपालिकाको भवन निर्माण गर्ने, वडा कार्यालयलाई राजमार्गसँग जोड्ने सडकको स्तरोन्नति गर्ने, पर्यटन पदमार्ग निर्माण गर्ने, भ्यू टावर निर्माण गर्ने तथा स्मार्ट सिटी बनाउनेलगायत कार्यक्रम सञ्चालन गर्ने थापाले बताउनुभयो ।

“वडाको विकासका लागि प्रत्येक वडा कार्यालयलाई रु एक करोडका दरले रकम पठाउने निर्णय भएको छ,” उहाँले भन्नुभयो । रासस


यो खबर पढेर तपाईलाई कस्तो महसुस भयो ?

काठमाडौं । सरकारी सेवाका २२ वर्षमा एक उपसचिवले निकै तरक्की गरेको समाचार सार्वजनिक भएको

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक