हामी सबैकाे संसारन्यूज

सन्राइज बैंक लिमिटेडको मिति २०७३ कार्तिक ७ गते सम्पन्न नवौ बार्षिक साधारण सभाबाट पारित विशेष प्रस्ताव बमोजिम बैंकको शेयरधनीहरुको रुपमा मिति २०७४/०१/२९ गते सम्म कायम रहेका शेयरधनीहरुका लागि दश शेयर बराबर तीन शेयर (१० : ३) को अनुपातमा शेयर दिने निर्णय गरेको छ । यसअघि प्रति शेयर मूल्य रु. १०० अंकित दरको १,६३,५९,६३६ कित्ता हकप्रद साधारण शेयर निष्काशन गरिएकोमा हकप्रद शेयर निष्काशन बन्द हुने मिति २०७४/०३/१९ सम्ममा रितपूर्वक प्राप्त आवेदन दिने ७१,६१३ जना शेयरधनीहरुलाई १,५६,४६,२९४ कित्ता शेयर मिति २०७४/०३/३० मा बसेको संचालक समितिको निर्णयानुसार बाँडफाँड गरिएको बैंकले जनाएको छ ।

हकप्रद शेयर बाँडफाँड पश्चात बैंकको चुक्ता पूँजी रु. ७ अर्ब २ करोड पुगेको जनाएको छ । साथै गत आ.ब. २०७३/०७४ को मुनाफाबाट बोनस शेयर जारी गरी नेपाल राष्ट्र बैंकले तोकेको चुक्ता पूँजी न्यूनतम रु. ८ अर्ब पु¥्याउने लक्ष लिईएकोमा सो बमोजिम बैंकको चुक्ता पूँजी कायम रहनेमा विश्वस्त रहेको बताइएको छ ।