Logo
३ माघ २०७८, सोमबार
     Mon Jan 17 2022
E-paper
  English Edition
   Unicode
Logo

ओखलढुंगा र सिन्धुली जोड्ने झोलुङ्गे पुल निर्माण



९ साउन, ओखलढुंगा । ओखलढुंगाको जलकिनी र सिन्धुलीको खाङसाङ जोड्न सुनकोशी नदीमा झोलुङ्गे पुल निर्माण भएको छ ।

पुल निर्माणपछि ओखलढुंगाको चम्पादेवी, सुनकोशी गाउँपालिकाका जनतालाई काठमाडौँ, सिन्धुली, उदयपुरलगायत जिल्लामा आवातजावत गर्न सहज भएको छ । पुल सञ्चालनमा आएसँगै त्यस क्षेत्रका किसानलाई आफ्नो खेतबारीमा उत्पादन भएका कृषिजन्य सामग्रीलाई बजारसम्म पु¥याउन सहज भएको छ ।

सस्पेन्सन बृज डिभिजन ललितपुरकोे रु एक करोड ४६ लाखको लागमा निर्माण सम्पन्न भएको उक्त पुलको लम्बाइ २८० मिटर रहेको छ । सो पुलको उद्घाटन गर्दै ओखलढुंगा क्षेत्र नं २ का सांसद् रामहरि खतिवडाले पुल निर्माण सम्पन्न भएसँगै ओखलढुंगाको चम्पादेवी र सुनकोशी गाउँपालिकाका जनता प्रत्यक्ष लाभान्वित हुने बताउनुभयो ।

उहाँले सांसद विकास कोषबाट जलकिनीदेखि नवलपुरको सडकको ट्र्याक खोल्नको रु १० लाख प्रदान गर्ने घोषणा गर्दै उहाँले नवलपुरमा सिन्धुली र ओखलढुङ्गा जोड्ने पक्की पुल निकट भविश्यमै निर्माण थालनी हुने विश्वास दिलाउनुभयो ।

सुनकोशी नदीमा ओखलढुंगा र सिन्धुली जोड्न थोल्मे–बल्खु, पञ्चकन्या बलखु, नाङ थान–टोक्सेल, नवलपुर–पलापु झोलुङ्गे पुल निर्माण भइसकेका छन् ।

सस्पेन्सन बृज डिभिजनका महानिर्देशक जीवनकुमार श्रेष्ठले झोलुङ्गे पुल निर्माणसँगै यहाँका बासिन्दाको जीवनस्तर उकास्ने कार्यमा महत्वपूर्ण योगदान पुग्ने विश्वास व्यक्त गर्नुभयो ।

कार्यक्रममा ओखलढुंगाका पूर्वसांसद चन्द्रकान्त दाहाल, मानेभन्ज्याङ गाउँपालिकाका अध्यक्ष मोतिराज राई, नेपाली काँग्रेसका जिल्ला सभापति प्रदीपकुमार सुनुवारलगायतले नवनिर्मित झोलुङ्गे पुलबाट यस क्षेत्रका जनता निकै लाभान्वित हुने बताउनुभयो ।


यो खबर पढेर तपाईलाई कस्तो महसुस भयो ?

काठमाडौं । काठमाडौं दरबारमार्गमा विदेशी मदिराको कारोबार गरिरहेको पसल ग्रीनलाइन सेन्टरका सञ्चालकको विषय अहिले

काठमाडौं । हास्य कलाकार सिताराम कट्टेल (धुर्मुस) र कुन्जना घिमिरे (सुन्तली) द्धारा सन्चालित धुर्मुस

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

लालबहादुर ढेंगा, दुबई, युएई । राहदानी बिभागले हाल बिद्युतीय राहदानी (भ(एबककउयचत) जारी गर्ने कार्यको

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक