१३ साउन, काठमाडौँ । वार्सिलोनाका सुपर स्टार नेयमारले वार्साको ट्रेनिङ क्याम्पमा एउटा घृणित हर्कत देखाएका छन् । नेयमारले अभ्यासको क्रममा बेनेफिकाबाट भर्खर मात्र वार्सा आएका नेल्सन सेमेडोसँग नराम्रो सँग झग्डा गरेका छन् । सेमेडोले ट्याकल गर्दा नेयमारलाई लागेपछि उनले सेमेडोलाई दुव्र्यवहार गरेका छन् । तर सेमेडो भने केही प्रतिवाद नगरेको भिडियो फुटेजमा देख्न सकिन्छ । पछि नेयमारलाई सहकर्मी सर्जियो बुस्केटले सम्झाएको देखिन्छ । तर नेयमार भने रिसाउदै बललाई लात्तीले हान्दै मैदान नै छाडेको छन् ।
नेयमारको उक्त हर्कतको कारण वार्सिलोनाको अभ्यास सत्र नै केहि समयको लागि स्थगित भएको थियो ।
नेयमारले वार्सा छाडेर पिएसजी जान लागेको खबर आईरहेको बेला यो विषयले अझै प्राथमिकता पाउदै नेयमारको उक्त भिडियो अहिले ईन्टरनेट भरि भाईरल बन्दै गएको छ । नेयमारको यस्तो व्यबहारले वार्सिलोना सर्मथकलाई लज्जित बनाएको भन्दै अहिले उनको आलोचना समेत भएको छ ।
वि.सं.२०७४ साउन १३ शुक्रवार ११:४५ मा प्रकाशित