Logo
१२ माघ २०७८, बुधबार
     Wed Jan 26 2022
E-paper
  English Edition
   Unicode
Logo

अन्तरघातले पार्टीको सैद्धान्तिक आस्थामाथि नै प्रश्न उठ्यो : मन्त्री बलायर



१६ साउन, भक्तपुर । नेपाली काँग्रेसका केन्द्रीय सदस्य एवम् भौतिक पूर्वाधार तथा यातायातमन्त्री वीरबहादुर बलायरले स्थानीय निर्वाचनमा देखिएको अन्तरघातले पार्टीको सैद्धान्तिक आस्थामाथि नै प्रश्न चिह्न खडा गरेको बताउनुभएको छ ।

नेपाली काँग्रेस भक्तपुरले साउन १५ गतेको अवसरमा आइतबार यहाँ आयोजना गरेको खिर विशेष कार्यक्रममा मन्त्री बलायरले बलिदान र संघर्षको प्रयाय बनेको काँग्रेसभित्र अन्तरघातको खेल हुनु दुःखद भएकाले अन्तरघातीलाई जरैदेखि उखालेर फाल्नुपर्ने बताउनुभयो ।

उहाँले अन्तरघात गर्नेलाई पार्टीमा कहिले पनि फर्कन नसक्ने गरी कारबाही गर्नुपर्ने बताउनुभयो । “३६४ दिन काँग्रेस बन्ने तर आवश्यकता पर्दा काँग्रेस बन्न नसक्ने कार्यकर्ता अब पार्टीलाई चाहिँदैन,” उहाँले भन्नुभयो ।

मन्त्री बलायरले स्थानीय तहको निर्वाचनमा अङ्क गणितीय हार भए पनि सैद्धान्तिकरुपमा काँग्रेसको जित भएको जिकिर गर्नुभयो । उहाँले काठमाडौँ उपत्यकामा देखिएको सडकको समस्यालाई छिट्टै समाधान गर्न स्वयम् प्रत्यक्ष रुपमा सक्रिय भएर लाग्ने प्रतिबद्धता व्यक्त गर्नुभयो ।

कार्यक्रममा पूर्वजिल्ला सभापति गणेशमान चक्रधरले पार्टीको वडा र गाउँ तहको एकाई कमजोर भए संगठन नै कमजोर हुने भएकाले वडा र गाउँ एकाईलाई संगठित गर्न पार्टी सक्रिय हुनुपर्ने सुझाव दिनुभयो । जिल्ला सभापति दुर्लभ थापाले स्थानीय तहको निर्वाचनमा केही प्राविधिक समस्याका कारण हार व्यहोर्नु परेको भन्दै त्यसलाई निराकरण गर्न जिल्लाले वडावडामा प्रतिनिधि खटाएको जानकारी दिनुभयो । उहाँले प्रतिनिधिको सुझावका आधारमा संगठनलाई नयाँ शिराबाट संगठित गर्दै प्रदेश र संघीय संसद्को निर्वाचनमा जित हासिल गर्ने दाबी गर्नुभयो ।


यो खबर पढेर तपाईलाई कस्तो महसुस भयो ?

सरकारी काममा सर्वसाधारणले कतिसम्म सास्ती पाउँछन् भन्ने कुरा चितवनका जोन कँडेलले पाएको सास्तीले देखाएको

काठमाडौं । जन्डिस रोग लागेपछि स्वदेशकै निजी अस्पताल सुमेरुमा उपचार गराइरहेका नेकपा (माओवादी केन्द्र)का

काठमाडौं । नेपालको सम्पुर्ण बैंकिङ क्षेत्रमा लगानीयोग्य पुँजीको तरलतामा समस्या देखिएको छ । झण्डै

काठमाडौं । एक पूर्व सैनिक झुण्डिएको अवस्थामा मृत फेला परेका छन् । सोलुखुम्बु लिखुपिके