Sansar News
३० साउन, काठमाडौं । विश्व क्रिकेट लिग च्याम्पियनसीप अन्तर्गत आगामी अक्टोबर १३ र १५ म्ँ हङकङबिरुद्ध हुने खेलको लागि २५ सदस्यीय प्रारम्भिक नेपाली टोलीको घोषणा भएको छ ।नेपाली क्रिकेट टिमका मूख्य प्रशिक्षक जगत टमाटा र कप्तान पारस खड्काले २५ सदस्यीय प्राम्भिक टोलीको छनोट गरेका हुन् ।
घोषणा भएको नेपाली टिममा सौरभ खनाल र जितेन्द्र मुखियाले टिममा पुनरागमन गरेका छन् । सुवास खकुरेल चोटका कारण अझै टिमबाट बाहिर छन् ।यसै गरि ललित सिंह भण्डारी, कुशल भुर्तेल, हसिम अन्सारीले पहिलो पटक टिममा स्थान बनाएका छन् ।
प्ररम्भिक टोलीमा, कप्तान पारस खड्का, ज्ञानेन्द्र मल्ल, शरद भेषावकर, शक्ति गौचन, बसन्त रेग्मी, सोमपाल कामी, करण केसी, बिनोद भण्डारी, नरेश बुढायर, मेहेवुव आलम, सागर पुन, आरिफ शेख, अभिनाश कर्ण, सुनील धमला, सन्दीप लामिछाने, दीपेन्द्रसिंह ऐरी, सौरभ खनाल, सुशील कँडेल, ललितसिंह भण्डारी, बिक्रम सोव, जितेन्द्र मुखिया, कुशल भुर्तेल, दिलिप नाथ, हसिम अन्सारी र सुशान भारी रहेका छन् ।
पछिल्लो एक वर्षको अवधिमा भएका राष्ट्रिय र अन्य क्रिकेट प्रतियोगिताहरुमा गरेको प्रदर्शनको आधारमा प्रारम्भिक टोलीको छनोट गरिएको प्रशिक्षक टमाटाले बताएका छन् ।
वि.सं.२०७४ साउन ३० सोमवार ०७:४० मा प्रकाशित
