Sansar News
नेपाली युवा कपिल नेपाल अष्ट्रेलियाको टप १०० होमलोन फाइनान्स व्यवसायीको लिस्टमा ६३ नम्बरमा पर्न सफल भएका छन् ।
पाल्पाको रिप्दीकोट गाउँपालिका ४ हार्थोकका नेपाल अष्ट्रेलियाको MPA Magazine मा वार्षिक रुपमा प्रकाशित हुने अष्ट्रेलियाको टप १०० ब्रोकरमा ६३ नम्बरमा पर्न सफल भएका छन् ।
सन् २०१६ मा ८२ औ नम्बरमा परेर यो लिस्टमा पर्ने पहिलो नेपाली र्मोगेज ब्रोकर बन्न सफल भएका नेपाल २०१७ मा पहिल्को भन्दा २० औ स्थान माथि आई ६३ नम्बरमा पर्न सफल भएका हुन ।
झण्डै १८ हजारको संख्यामा अष्ट्रेलियन ब्रोकरहरुले आफूले लेखेको लोनको भोल्युमको आधारमा भागलिन पाउने र यसरी भाग लिएका मध्येबाट टप १०० जनाको लिस्ट छानिने गर्दछ ।
६३ औं नम्बरमा पर्न सफल भएका नेपालले खुसी व्यक्त गर्दै यो सफलता आफ्नो मात्र नभएर नेपाल र अष्ट्रेलियामा बस्ने सम्पूर्ण नेपाली समुदायको सफलता रहेको बताएका छन् ।
नेपालले आफूहरुलाई माया गरेर साथ दिने ग्राहक वर्ग, ग्राहकको सेवामा मरिमेटेर लागि पर्ने आफ्ना कर्मचारी लगायत, परिवार,आफन्तजन र साथीभाइमा धन्यवाद व्यक्त गरेका छन् ।
बिगत पाँच बर्षमा करिब ५०० भन्दा बढी ग्राहकलाई होमलोन लिन सहयोग गरेका कपिल नेपालले यस्को श्रेय गुणस्तरीय ग्राहक सेवा र ईमान्दारितापुर्वक गरेको काम को प्रतिफल मान्छन् । यसले आफुलाई अझै हौसाएको र भबिस्यमा अन्य ब्यापारीक क्षेत्रमा हातहाल्ने मनसाय रहेको जानकारी गराउनु भयो।
वि.सं.२०७४ कात्तिक २८ मंगलवार ०५:१३ मा प्रकाशित
