हामी सबैकाे संसारन्यूज

२२ मंसिर, सल्लेरी, सोलुखुम्बु । प्रतिनिधिसभा सदस्यमा वाम गठबन्धनबाट पूर्वलडाकु एवं नेकपा–माओवादी (केन्द्र) का नेता हेमकुमार राईले बाह्र हजार ३९२ मतसहित अग्रता लिनुभएको छ ।

तीनपटक मन्त्री बन्नुभएका नेपाली काँग्रेसका बलबहादुर केसीले आठ हजार ५११ मत प्राप्त गर्नुभएको छ ।

पूर्वसांसद समेत रहेका केसी २०६४ को संविधानसभाको निर्वाचनबाहेक कुनैपनि निर्वाचनमा पराजय हुनुभएको छैन भने राईले पहिलोपटक निर्वाचनमा भाग लिनुभएको हो ।

यस्तै प्रदेशसभा (क) मा वाम गठबन्धनका उत्तमकुमार बस्नेतले छ हजार ५०३ मत ल्याउनुभएको छ भने काँग्रेसका प्रकाश सिं कार्कीले चार हजार ५९७ मत प्राप्त गर्नुभएको छ । यस्तै प्रदेश सभा (ख) मा पनि वाम गठबन्धनका बुद्धिकुमार राजभण्डारीले सात हजार ४ मत प्राप्त गर्नुभएको छ भने काँग्रेसका आङ्गेलु शेर्पाले पाँच हजार १७ मत प्राप्त गर्नुभएको छ ।