हामी सबैकाे संसारन्यूज

२२ मंसिर, धनगढी । मंसिर कैलाली निर्वाचन क्षेत्र–५को प्रतिनिधिसभाको प्रारम्भिक मत परिणामअनुसार वाम गठबन्धनका उम्मेदवार नारदमुनि रानाले शुरुआती अग्रता लिनुभएको छ ।

निर्वाचन क्षेत्र ५ को प्रतिनिधिसभाका लागि खसेको मतमध्ये आज अपराह्न ४ बजेसम्म एक हजार ४१४ मत गणना हुँदा नेकपा (एमाले) का रानाले ६२४, राष्ट्रिय जनता पार्टीका लक्ष्मण थारुले ३६० र नेपाली कांग्रेसका डा आरजु देउवाले ३११ मत प्राप्त गरेको मुख्य निर्वाचन अधिकृतको कार्यालयले जनाएको छ ।

दोस्रो स्थानमा रहनुभएका थारु दुई वर्षअघि भएको टीकापुर घटनाको आरोपमा पुर्पक्षका लागि कैलाली कारागारमा हुनुहन्छ । यसैगरी निर्वाचन क्षेत्र नं १ र ३ को पनि मतगणना अपराह्नदेखि शुरु गरिएको छ । क्षेत्र नं २ र ४ को मत गणना भने अझै शुरु हुन सकेको छैन ।