Sansar News
२३ मंसिर, काठमाडौं । काठमाडौं निर्वाचन क्षेत्र ३, ८ र ९ मा मा वाम गठबन्धनका तर्फबाट उम्मेदवार बनेका कृष्ण राई, गोपालकृष्ण श्रेष्ठ र जीवनराम श्रेष्ठ विजयी भएका छन् ।
काठमाडौं क्षेत्र नं ९ बाट गोपालकृष्ण श्रेष्ठले २२ हजार ८५२ मत ल्याएर विजयी भएका छन् भने नेपाली कांग्रेसका नेता ध्यानगोविन्द रञ्जितले १४ हजार ८०२ मत ल्याएर पछि परेका छन् ।
नेकपा एमालेका काठमाडौं जिल्ला अध्यक्ष समेत रहेका कृष्ण राईले १९ हजार १६९ मत ल्याएर नेपाली कांग्रेका अम्बिका बस्नेतलाई पछि पारेका छन् । बस्नेतले १४ हजार ८८४ मत प्राप्त गरेकी थिईन् ।
त्यस्तै काठमाडौं क्षेत्र नं ८ बाट पनि बाम गठबन्धनकै जीवनराम श्रेष्ठ विजयी भएका छन् । श्रेष्ठले १३ हजार ३९७ मत ल्याएर विजयी भएका छन् भने नेपाली कांग्रेसका नेता नविन्द्रराज जोशीले १२ हजार ९५३ मत ल्याएर पछि परेका छन् ।
१० वटा क्षेत्र नं रहेको काठमाडौंमा अहिले सम्म ५ वटा क्षेत्रको मत परिणाम सार्वजनिक भइसकेको छ । जसमा बाम गठबन्धनबाट प्रतिनिधिसभा सदस्यमा ३ र नेपाली कांग्रेसबाट २ जना विजयी भएका छन् ।
त्यस्तै काठमाडौं क्षेत्र नं २ को मतपरिणम परिन अन्तिम चरणमा पुगेको बताइएको छ । २ मा पूर्वप्रधानमन्त्री एमाले नेता माधब कुमार नेपालले १३ हजार ८८० मत ल्याएर अग्रस्थान हासिल गरिरहेका छन् भने नेपाली कांग्रेसका नेता दिपक कुँइकेलले ७ हजार २८२ मत ल्याएर फरक मतान्तरले पछ्याइरहेका छन् ।
वि.सं.२०७४ मंसिर २३ शनिवार ०२:३१ मा प्रकाशित
