हामी सबैकाे संसारन्यूज

२३ मंसिर, काठमाडौं । ललितपुर क्षेत्र नं २ र ३ बाट प्रतिनिधिसभा सदस्यमा बाम गठबन्धनका उम्मेदवार एमालेका नेता कृष्णलाल महर्जन र नेकपा माओवादी केन्द्रकी नेतृ पम्फा भुसाल विजयी भएका छन् ।
क्षेत्र नं ३ की उम्मेदवार भुसालले २४ हजार ३६ मत ल्याएर विजय हासिल गरेकी छन् भने उनका निकटतम प्रतिद्धन्द्धी नेपाली कांग्रेसका उम्मेदवार मदनलाल अमात्य २२ हजार ३३६ मत ल्याएर पछि परेका छन् ।
त्यस्तै ललितपुर क्षेत्र नं २ बाट कृष्णलाल महर्जनले २७ हजार ७१३ मत ल्याएर विजयी भएका छन् भने उनका निकटतम प्रतिद्धन्द्धी नेपाली कांग्रेसका चन्द्र महर्जनले १६ हजार ९४५ मत ल्याएर पछि परेका छन् ।
त्यस्तै ललितपुर १ को मतगणना जारी छ । ललितपुर १ लाई रोचक रुपमा हेरिएको छ । त्यहाँ पूर्व डिआइजी नवराज सिलवाल र नेपाली कांग्रेसका युवानेता उदय समशेर जवरा प्रतिश्प्रर्धामा छन् । त्यहाँ सिलवालले अग्रता कायम गरिरहेका छन् ।