हामी सबैकाे संसारन्यूज

२३ मंसिर, जुम्ला । प्रतिनिधिसभा निर्वाचन क्षेत्र नं १ रहेको जुम्लामा वाम गठबन्धनका तर्फबाट नेकपा (माओवादी केन्द्र) का गजेन्द्र महत विजयी भएका छन् ।

माओवादी केन्द्रका पोलिटब्यूरो सदस्य महतले २२ हजार १७३ मत ल्याएर विजयी भएका छन् भने र उनका निकटतम प्रतिद्वन्द्वी नेपाली काँग्रेसका देवेन्द्र शाहीले १४ हजार १४९ मत ल्याएका छन् ।
त्यस्तै नेपाल मजदुर किसान पार्टीका डिल्लीप्रसाद काफ्लेले दुई हजार ७१८ मत ल्याएका छन् । महत २०७० सालको संविधानसभा निर्वाचनमा पराजित भएका थिए । खसेको कुल मतमध्ये एक हजार ८७ बदर भएको सहायक मतदान अधिकृत इन्द्र खड्काले जानकारी दिए । प्रतिनिधिसभातर्फ जुम्लामा ४१ हजार ४५६ मत खसेको थियो ।